(07/09/2025)
راح أحكي لكم قصتي الناجحة مع التعافي بفضل الله تعالى ثم الدكتور شادي مكي. الحمدلله أولاً وأخيراً الحمدلله الحمدلله الحمدلله
أنا معلمة قرآن وماشية في سير حفظ كتاب الله جاني مرض نفسي وتعب واستمريت مريضة تسع شهور تقريباً، المهم شفت مقولة قبل ما أمرض أنو أهل القرآن ما يزورا عيادات نفسية ويوم مرضت قلت أنا ما راح أروح للعيادة النفسية لأنو إن شاء الله أنا من أهل القرآن وأخر شي أفكر فيه إني أتعالج عند مختصين نفسيين، المهم قلت بعالج نفسي بنفسي وعرفت بعدين إنو اللي فيني اكتئاب وكان في بالي من أول إنو الاكتئاب ما يجي إلا الناس اللي مش كويسة والناس اللي بعيدة عن الله.
وتعبت تعبت تعبت كرهت الحياة وكرهت نفسي وجاني وساوس ويأس من عدم الشفاء وأشياء كثيرة ما تنحكى ولا تنوصف وأبكي وأدعي وأقول يمكن هذا عقاب من ربي وأفكر وأحاسب نفسي إيش سويت في حياتي من ذنوب، بعدين اكتشفت انو الاكتئاب مرض زي أي مرض يصيب أي انسان وله أسباب،
بعدها ربي سخر لي زوجة أخويه تمدح الدكتور شادي مكي في عيادة مطمئن وإنهم يعالجون بدون أدوية وفيه عن بُعد لأني من سكان الشرقية واقتنعت و بدأت مع دكتور شادي جلسات العلاج وكانت 7 جلسات يعني تقريباً شهرين والله في الجلسات الأولى كنت أقول في نفسي إيش قاعد يقول هذا إيش راح يفيد، أنا من اللي قاعد يقوله 😅
وكأن يجيني يأس وصوت بداخلي إني راح أبقى كذا وما راح أتشافى حتى وأنا في الجلسات لأني كنت أحسب إنو خلاص أول ما أبدأ مع الدكتور في الجلسات بتعافى وكنت أبكي أحس مصارعة مع نفسي و قلت لا أنا بكمل معاه الجلسات وبإذن الله أتعالج وترجع حياتي الطبيعية لازم أكون قوية والعافية شوية شوية و يبغى لها صبر وشفت فيديوهات للناس اللي تعالجوا عند دكتور شادي وتحمست وزاد إصراري إني أكمل العلاج.
المهم عطاني دكتور شادي برامج علاجية أمشي عليها ومشيت عليها الحمدلله.
والله العظيم ويشهد علي ربي إني بديت أتحسن وارتاح بعد الجلسات وهذا كله من فضل ربي ونعمه علي. المهم حبه حبه بديت أتعافى اللهم لك الحمد والشكر وماجات آخر جلسة إلا أنا طيبة و حياتي الطبيعية بدت ترجع وصرت مبسوطة اللهم لك الحمد.
حتى زوجي وعيالي وأهلي وكل اللي حولي لاحظوا الفرق إني بديت أرجع زي أول
و أنصح كل شخص يعاني من تعب نفسي وضيق من الحياة يلحق على نفسه و يروح لمختصين يساعدوه في العلاج ولو تكون عيادة مطمئن يكون أفضل لأنها بدون أدوية وأساساً من اسم العيادة فيه راحة 😭 ربي ما حطهم في هذا المكان إلا هم قدها و قادرين يرجعوا فينا روح الأمل والتفاؤل وحب الحياة بإرادته سبحانه وتعالى ..
قال تعالى:
((نحن قسمنا بينهم معيشتهم في الحياة الدنيا ورفعنا بعضهم فوق بعض درجات ليتخذ بعضهم بعضاً سخرياً ورحمت ربك خير مما يجمعون )) يعني ربي سخر الناس لبعض الدكتور للمريض والغني للفقير والمعلم للطالب وغيرها ومافيها شي إني اتعالج عند معالج نفسي ولا هو عيب ولا حرام ولا له دخل في قوة الإيمان أو ضعفه ولا في حفظ القرآن أو عدم حفظه هو ابتلاء وربي إذا حب عبد ابتلاه الأنبياء وهم الأنبياء ابتلوا فمن نحن حتى لا نبتلى ..
و الدكتور شادي مميز وشاطر ماشاء الله لا قوة الا بالله وأسلوبه رائع وكانت جلساته وبرامجه العلاجية رهيييبة ومريحة وتجربتي معاه كانت ناجحة ولله الحمد ..
الله ينور دربه وييسر أمره ويرضى عنه ويوفقه وين ما راح ويجزاه الجنة ويجعل حياته كلها خير في خير ..